当前位置: 主页 > 高新大全 >《06真夏东京》(31) >

《06真夏东京》(31)

2020-05-27 15:42 701浏览

去完表参道、南青山,因为大家当日都行得好累,所以冇黎神气咁!决定搭地铁去六本木啦!
一到埗,佢地既行动速度更每下愈况tim~~好似就死咁!
净係得我一个冇事~~haha,可能我真係行得比较快,同去得旅行多,係咁不断行都冇事,而且我都唔觉得累,咁我见佢地咁累,就叫佢地坐佢六本木既information center门外~~
因为我知道六本木有好多装置艺术雕塑,我想搵佢地出来逐一影相,但好可惜,天公不造美,又落起微雨呀!

咁我get完资料,见佢地冇意识想行,咁我就叫佢地坐,我自己上去影下相先!
呢个就係地下铁出口的六本木Information Centre啦~~佢地就係坐係呢度!
《06真夏东京》(31)

跟住我就搭呢条电梯正式上去呢个未来都市新型态—六本木Hill~
《06真夏东京》(31)

一上到去就係咁样ge!一个圆筒型建筑,有个大电视,亦有一排玻璃瀑布,好靓呀!
而且亦都好绿化呀~~好舒服既感觉!
《06真夏东京》(31)

呢只就係大蜘蛛,算係其中一件装置艺术啦!係地标,点可以唔take photo呢!
《06真夏东京》(31)

之后又影左呢幅六本木既主建筑物~~观光层就係上面,一谂到可以望到全东京市的夜景就好兴奋啦!
《06真夏东京》(31)

其实仲影左好多相,不过唔放咁多上黎啦!《06真夏东京》(31) 影左一阵就落返去搵佢地啰!
不过我感觉到佢地已经係唔愿行啰!搅到好似係5个专登陪我黎咁样!
之后入左去果栋主Buliding搵展览厅同观光厅既入口~~就係入左下图啦~~佢里面既设计好独特,有d同澳门而家间星际有得挥,呢度突一旧,果度又突一旧咁!不过六本木係用左大量自然採光,环保又节能的设计,加上绿化度好高,果然係新生都市型态的试验区呀!
《06真夏东京》(31)

之后就係正式既六本木hill Information度问资料~~佢既门面设计多靓ga~~水蓝配白渐层,特色设计的英文字型!
《06真夏东京》(31)

跟住我地终于搵到上观光层的门口,个门口都几得ga!又有条好似时光隧道咁既设计~~
可惜我手震,影到震哂,delete左啦~~
呢个係上观光层既专用电梯!着哂灯好有未来feel呀~~
《06真夏东京》(31)

一上到去,我地第一件事梗係去睇重点项目一:Pixar 20 Years动画展~~
真係劲正,arm arm去日本就meet到个展期~~可以见到好多卡通人物既手稿、模型、纸稿……《06真夏东京》(31)
《06真夏东京》(31)

呢个係佢门口,白哂果个位就係上面果条banner啦~~
见唔见有海底奇兵既小丑鱼呀!我地个个都衬冇职员既时候,搅住条鱼影相~~《06真夏东京》(31)
又係偷偷地ga~~(去到日本成日都要偷影相,因为实在太多地方唔畀影相啦!)
《06真夏东京》(31)

入到去就有一段15分钟既短片,不断循环播放,係将所有Pixar既动画来一个remix版,而且全部内容独家係呢度播,第度睇唔到ga~~又有超人特攻队、怪兽公司、海底奇兵、反斗奇兵、反斗车王……多到数唔哂呀!

之后又有好多好多手稿,仲有一个係好特别ga!我真係毕生难忘,就係有一个好似旋转木马咁既装置,初时你睇冇乜野,佢有指示叫你等,我等左10秒左右,佢里面d野突然间转得劲快,变成左一段动画,非常犀利,不过我知道其实係一个视觉错觉来的!

之后我好快咁睇完,因为都唔畀影相,如果唔係我真係会睇好耐啰!係出口处有一个独卖场,有今次展览既相关精品卖!下图係cashier,见唔见有好多T-shirt,我就冇买,因为太贵啦~~
咁我卖左d乜?就係下图最左边既Folder (式样同T-shirt),仲有就係收银机之间果本书(佢有哂展览里面d野),所以几贵就值啦~~
我而家有时开会用呢个Folder,个个都问係边度卖,我话而家冇得卖ga啦~~限量版!
我问过店员,最好卖就係Pixar ( i 字係用盏灯),如果有睇开Pixar既动画就知,每套片都有既片头标誌,而且从来冇出过任何週边商品,所以个个都买,当然我都有买啦!hehe~~
《06真夏东京》(31)

仲有好多公仔、精品食品、文具等!
《06真夏东京》(31) 《06真夏东京》(31)

係卖场入面,仲有一只近乎米七既巴斯光年,以及豆钉咁细只既三只仔,比人任影唔嬲。
《06真夏东京》(31)

睇完Pixar动画展之后,就睇埋一个非洲艺术展,同样又係唔比影相!
《06真夏东京》(31)

睇完之后再去观光迴廊度影相,又係咁arm,观光迴廊有d玻璃珠灯饰展览,我拣左几张post出来畀大家睇!
《06真夏东京》(31)

呢个d颜色好靓ga!
《06真夏东京》(31)

一只用玻璃珠+灯泡製作而成的被綑绑的鳄鱼呀~~好funny~~
《06真夏东京》(31)

呢个都係好特别,颜色又好吸引tim~~
《06真夏东京》(31)

之后就係度影夜景,虽然d玻璃好清,不过可能d灯太光,一影就反光,你看看下图,见到我部相机呀!
唔係灵异相黎ga!《06真夏东京》(31)
《06真夏东京》(31)

呢张就好少少啰!不过都见到d灯~~(中上绿色光)唔好以为係ufo呀!
《06真夏东京》(31)

去完观光迴廊影完相,靓完夜景,我地出返去51楼既大堂!
果度有间Museum Cafe,佢个入口係一个白色布条製作而成ga~~
仲打左d画面,乍看之下以为係一幅画,原来係出入口,认真够特色啦~~
《06真夏东京》(31)

落返地下之后,去左六本木吉祥物果店,好得意既公仔,但係劲贵,所以完全冇卖野意慾!
下面呢张,又係用相机偷影ga~~(佢大大个牌写明唔比影相!)
《06真夏东京》(31)

其实我每次係d店里面偷影,我都扮哂倾紧3G咁去影啰!等人地唔为意~~《06真夏东京》(31) 大家唔好学呀!
从六本木出来就返回池袋食晚饭,今晚食迴转寿司,我唔记得影相呀!

下一篇就开始第6日既行程,亦算係最后一个景点,就係东京迪士尼海洋!
又係好lucky,我拣果日去,就arm arm係佢五週年庆典既首日,又有礼物收,又有劲多show睇!
大家下一篇有得睇啦!

(待续:东京迪士尼海洋part 1)
详尽相片资料及其他没贴文的相片于 [相簿>06′真夏东京] 内。
编/摄:阿乃

《06真夏东京》(31)
本 着作 係採用 创用 CC 姓名标示-非商业性-禁止改作 3.0 授权条款授权.