当前位置: 主页 > 驱动科技 >《06真夏东京》(12) >

《06真夏东京》(12)

2020-05-27 15:39 380浏览

我地去由横滨来到新宿时已经係下午四点啦!
一出左地铁站,我地就迷路啦~~因为呢个出口我未出过,所以唔多识行,大家一齐研究左个地图好耐,终于咁到出路啦!我地想去既係一条百货云集既街!

《06真夏东京》(12)

街中有伊势丹百货、无印良品、0101jam、0101city、0101young、sakuraya多间店、仲有好多名店tim~~

《06真夏东京》(12)
我地首先行左伊势丹百货(上图)先~~因为L小姐要买ANNA SUI既野,当然係大有斩获啦!仲买左好多港澳冇既系列tim,咁夸到连人地d样板,香水纸板全都搜罗回来,认真夸张!
而我同K小姐就上左楼上的Bubbery度睇袋,因为佢想买,又要帮人买,而我有个friends都搭我买呀!所以就上左去睇,其实呢间d款都多,但K小姐话唔係太多,所以就冇理啦~~
因为往后我地会去不同区份的专门店!so就落返楼下找他们啰!

之后我地就过左对面既0101city,佢卖既野都好靓,唯独价钱都好靓啰!
我地睇佢d新出既 “浴衣”(即夏天版和服),我其实已经有2套ga啦,夏天係屋企着,都不知几清凉呀!
咁佢地咪又心郁想买播,咁我係男装就方便d,但女装其实都好複杂,只係薄一d,同夏装版既男装好唔同啰!而且仲万万声,梗係个个唔敢买啦!
话哂就係第三日姐,而且我话比佢地仲会去平价商店(浅草区 & 上野区),可以都会有更平,甚至平都笑既,到时就蚀啦!再者我地住既池袋一样有0101city,可以唔驶咁快决定啰!
(下图0101city)
《06真夏东京》(12)

之后我又影左几张日本的公共设施,有靓靓电话亭~~

《06真夏东京》(12)

又有kawaii公仔既都营巴士巴士站牌~~
《06真夏东京》(12)

之后我又影左名店 Louis Vuitton的门面,只可以係对面街影,如果唔係会比实Q赶ga!
《06真夏东京》(12)

仲有Tiffany & Co.既店,间店个门面好得啰~~又有雕塑又有钟,完全係艺术作品咁啰!
《06真夏东京》(12)

而且我又好好彩见到一对情侣着哂和服出街,好靓呀!所以就影佢地~~个女仔好靓呀!
佢地唔知我影佢地ga~~haha~~我係偷影ga~~
《06真夏东京》(12)

之后我地就準备去无印良品睇野之际,我地个个都好肚饿,咁我地就要食左饭先啦!
如果唔係冇力再行呀!
食饭详情,请留意下一篇:Day3晚餐,係食日式烧饼,仲要自己落手落脚烧tim,好好玩ga~~
想知就要留意下一篇啦!hehe~~到时大家拎定纸巾抹口水,包你地口水流呀!

食完饭之后我地就去左无印良品,佢楼高4层及地库1层,卖既产品同香港既差唔多,咁当然多好多野啦~~不过係厨房用具,家具等比较多啰!
《06真夏东京》(12)

之后又影左一个将入黑的新宿街头~~
《06真夏东京》(12)

之后又闲逛左新宿呢条街好多间电器铺,有人睇中左d电话,又有人睇中左d mp3机,又有人睇中d PMP机呀!但我要提醒大家,外国人係唔可以买日本本土既电话既!
《06真夏东京》(12)

而家连prepaid phone都唔得,因为改左手续啦~~
好彩我上几年前来日本已经买左,而家可以增值就用得返~~haha
不过我谂要问人借多一个先得,如果唔係下次得我有都冇用,都通唔到信啰!

下面呢几张就係新宿大街既夜景,好靓既霓虹灯牌呀!
《06真夏东京》(12)

中间好似堡垒咁既,其实係Karaoke馆呀~~係都咪话唔惊呀~~成幢澳门英皇酒店咁呀!
《06真夏东京》(12)

仲有一张以街灯作衬托既新宿街头~~
《06真夏东京》(12)

我地影完相就去左新宿好出名既 “激安之殿堂”,出哂名抵ga!
我都买左一个袋同一d零食,而其他人都大有斩获ga!
(因为我比大家1小时,但要睇5层既野,而且仲好多人tim~~比钱就要排队呀!)

结果大家都好快速咁买野,真係谂多一分钟都唔够时间呀~~
最后成11点半走,但我地发现地下商场连接地下铁已经close左呀~~
so我地劲惊要行路or的士返池袋呀!(你知日本d野几早close ga啦,地铁有d只係服务至11点)
不过最后我地跟住d人群由大站入口落地铁,好彩我地赶到最后果2班车,好惊咁返到池袋~~
day2完~

(待续:day2晚餐–日式烧饼)
详尽相片资料及其他没贴文的相片于 [相簿>06′真夏东京] 内。
编/摄:阿乃

《06真夏东京》(12)
本 着作 係採用 创用 CC 姓名标示-非商业性-禁止改作 3.0 授权条款授权.